O grupo de Amatega Allegro Teatro alzouse co Premio á Mellor obra de comedia no XXII Festival de Teatro Martín Arjona do concello andaluz de Herrera.
A clausura do mesmo tivo lugar o pasado día 28 de marzo aínda que o festival corresponde ao ano 2020 e a súa clausura foi postergada no tempo debido a crise sanitaria do Coronavirus.
Dende Amatega queremos felicitar a Allegro Teatro por este novo éxito acadado coa obra "Ñaque o de piojos y actores"

O Bloque Nacionalista Galego realizou unha reunión na que tuvemos a oportunidade de ser partícipes e na que se abordou a problemática xerada pola COVID con respecto á cultura, e da que saiu un decálogo de propostas para a reactivación do sector.

​O II Certame de Nova Dramaturxia Galega Actual concede o seu premio ao escritor e docente Fernando Castro Paredes coa obra Ofelia ou o cabeiro da cóbrega. O xurado, conformado pola directora teatral e programadora da sala Ingrávida (O Porriño) Irene Moreira; a dramaturga e directora da Erregueté, Vanesa Sotelo e o director teatral César No; salienta “o coidado uso da lingua galega e o artellamento dunha sólida carpintaría dramatúrxica neste novo achegamento ao mito de Hamlet desde a personaxe de Ofelia”. Así como “a recuperación da maxia para o teatro cunha riqueza de accións dramáticas que poden resultar moi estimulantes á hora de poñelas sobre as táboas, tanto para un equipo artístico como para o público”.

O primeiro premio foi para a compañía Gacela Teatro, de Pontevedra, pola súa obra Palabras encandeadas. En segundo lugar quedaron as representacións de Farándula Velutina, de Corcubión, de Papiroflexia e Solo teatro, de Ourense, con Da cor do leite. Por último, o terceiro posto será compartido entre La Barata, de Santiago, coa creación Solo de triángulo en Re, 2º movemento, 3ª parte. Allegro (pero non tanto) e Faísca Teatro, de Vigo, con O que che comentei mentras facías que durmías. 

Este pasado martes a Xunta Directiva de Amatega coa súa Presidenta Dna. Josefa Deibe e o Secretario Ramiro Sabín, mantiveron unha reunión co Concelleiro de Cultura do Concello de Vigo D. Cayetano Rodríguez Escudero co propósito de tratar a situación do teatro amador na cidade olívica e a súa área de influencia.
Os temas tratados constitúen un punto de partida para vindeiras conversas para a toma de medidas coa que poder darlle máis visibilidade ao teatro amador na cidade coma fonte de enriquecemento cultural e experiencial, así coma dinamizador da poboación da cidade.
Esta reunión constitúes outro paso adiante nas relacións de Amatega coas Administracións de Galicia para a potenciación do teatro amador e o seu tecido asociativo como medio de espallar a cultura galega e o teatro en xeral polas distintas vilas da nosa terra.

O pasado domingo tivo lugar a Asamblea Xeral Ordinaria da Federación Galega de Tearto Amador AMATEGA no Hotel Carrís Almirante de Ferrol.
Nela se trataron os distintos puntos do día relacionados co funcionamento do día a día da asociación coma a aprobación de contas do ano anterior ou as altas e baixas pendentes.
Tamén se trataron distintos aspectos relativos ás posibles actividades a realizar durante o 2019 ou as grandes posibilidades que ofrece a Confederación Española de Teatro Amateur ESCENAMATEUR da que Amatega forma parte, tales coma os intercambios, os Premios Juan Mayorga de las Artes Escénicas ou os  Selos de Calidade para Festivais e Certames dos que Amatega posúe un, o Festival Internacional de Teatro Amador e Artes Escénicas ESTÉNARÚA, organizado por Ti e Máis Eu Teatro no Concello de Ferrol.
Da Asamble participaron activamente un grande número de asociados, que están a facer unha grande labor para a promoción do teatro amador en Galicia.